一日, 家中成員報告, 吸塵機無端端地壞了。 試過插上不同電源插頭, 又將塵袋灰塵倒出,
但仍沒有起色, 遂決定放棄, 即場宣佈它不治。 大家紛紛表態：
你: 摩打燒咗, 唔好要啦！
我: 不如攞去修理。
你: 修理咪仲貴過買部新的, 唔好要啦！
她: 係呀, 天日就搞掂佢啦, 費事煩！
真是太不像話了！ 現階段的吸塵機, 就算是不中用, 也毋須一定要這麼快扔掉吧！
況且, 它效忠我們已年幾兩年了, 一向盡忠職守, 無功亦有勞, 怎麼可以這麼無情,
話掉就掉呢！ 何不再等一下, 說不定有好法子呢！ 反正它也跑不掉, 何用心急費心？
那就「我不入地獄, 誰入地獄」, 下定決心, 竭盡我所能去搶救它。
若然它氣數已盡, 反魂無術, 無藥可救, 我也盡了人事, 自問亦對得起它。
次日, 就坐言起行, 立即動手, 取出吸塵機, 仔細檢查一番。
突然心血來潮, 把電源插頭插上, 然後按下電源開關, 一陣熟悉的嘈聲響起了, 是復活了！
皇天不負苦心人, 終於讓我等到了, 謝天謝地！
你: 點解會咁嘅？
我: 佢之前唔開心咋病, 一話唔要佢, 咪死死地氣返嚟囉！
以我估計, 塵袋的積塵過多, 造成嚴重堵塞, 吸力大減了。 加上長時間連續使用,
機件負荷過重, 故自動停止操作。
可見, 機器也像人類一樣會小器, 愛搞小動作。
不滿超時工作, 受不了體力透支, 付出太多, 回報卻太少。 受了委屈, 一時想不開,
便按章工作, 沒病裝病怠工。 不過一旦被人甩, 卻又心有不甘, 搥心又有甚麼用？
倒不如安守本分, 咬緊牙關, 好好地幹下去吧！
看, 不費吹灰之力, 事情就簡單解決了！
